0 Microsoft research-ի հետաքրքիր նախագծերը


     Microsoft Research-ը Microsoft ըկերության հետազոտությունների ստորաբաժանումն է, որը ստեղծվել է 1991թ.-ին ինֆորմատիկայի ոլորտում տարբեր հարցերի և թեմաների հետազոտության համար:  Ներկայումս այստեղ հավաքված են մաթեմատիկայի, ֆիզիկայի, ինֆորմատիկայի ասպարեզներում աշխարհի լավագույն մասնագետները, որոնք աշխատում են տարբեր հետաքրքիր նախագծերի վրա:

   Վերջին տարիներին նրանք աշխատում են համակարգչի հետ փոխներգործության նոր մեթոդների վրա, ինչը ստացել է NUI (Natural User Interface` օգտագործողի բնական ինտերֆեյս) անվանումը: Այն ներառում է համակարգչի հետ շփման ժեստերի, գործողությունների, ձայնային հրահանգների համակարգեր, համակարգիչ տվյալներ ներմուծելու համար տարբեր միջավայրերը որպես  ինտերֆեյս օգտագործելու հնարավորություններ և այլն: Խոսենք օգտագործողի բնական ինտերֆեյսին վերաբերող մի քանի նախագծերի մասին:

 Holodesk նախագիծը Microsoft Research-ի Քեմբրիջյան խմբի գիտահետազոտական նախագծերից է: Holodesk-ի օգնությամբ հնարավոր է ձեռքերի օգնությամբ ղեկավարել վիրտուալ 3D օբյեկտները: Չնայած ներկայումս այն դեռևս հետազոտական նախագիծ է, սակայն հնարավոր է պատկերացնել նրա կիրառումը հետագայում այնպիսի ոլորտներում ինչպիսիք են սեղանի խաղերը, տարբեր առարկաների 3D մոդելների արագ պատրաստումը և նույնիսկ տարբեր վայրերում դիստանցիոն ներկայությունն ու տարածական ֆիլմերի դիտումը տարբեր կողմերից:

video

  Օգտագործողի բնական ինտերֆեյսին վերաբերող նախագծերից է Omni Touch-ը, որը օգտագործելով պրոեկցիոն լապտեր և 3D տեսախցիկ՝ ցանկացած մակերևույթ վերածում է սենսորային ինտերֆեյսի: Պլանավորվում է ժամանակի ընթացքում զարգացնել Omni Touch-ը և արտադրել այն կախազարդի կամ ժամացույցի մեծությամբ:


     Նմանատիպ նախագիծ է Pocket touch-ը, որը սենսորային ինտերֆեյսի այնպիսի տարբերակ է, որը հնարավորություն է տալիս աշխատել սմարթֆոնի կամ այլ սարքավորման հետ շալվարի կամ վերնաշապիկի կտորի վրայից՝ առանց գրպանից հանելու:

   Փաստօրեն եթե առաջ համակարգչով աշխատելիս անհրաժեշտ էր նայել մոնիտորին և մեքենագրել ստեղնաշարով, ապա ապագայում համակարգիչները կդառնան ակտիվ կառավարվող սարքավորումներ, որոք կլսեն, կընդունեն մեր ասածները և կաշխատեն տվյալների հետ՝ առաջնորդվելով այն հրամաններով, որ մենք նրանց կտանք:





0 մեկնաբանություն:

Գրել մեկնաբանություն.

Related Posts Plugin for WordPress, Blogger...