0 Ժանտախտի համաճարակ խաղում


   World of Warcraft-ը աշխարհի ամենահայտնի օնլայն խաղերից է, որը իրենից ներկայացնում է մի ամբողջ աշխարհ, որտեղ խաղացողը ղեկավարում է իր կերպարին և գործ է ունենում ինչպես համակարգչի, այնպես էլ միլիոնավոր ուրիշ մարդկանց կողմից ղեկավարվող կերպարների հետ:
  2005թ.-ի աշնանը WoW-ի աշխարհում ժանտախտի համաճարակ տարածվեց: Վիրտուալ քաղաքների փողոցները լի էին դիակներով: Ցածր մակարդակի կերպարները միանգամից մահանում էին, իսկ բարձրերը մի կերպ էին դիմանում: Մահը արագորեն տարածվում էր նախ հիվանդ աշխարհի բնակեցված վայրերում, իսկ հետագայում այն տարածվեց խաղի բոլոր աշխարհներում և մակարդակներում:
   Սկզբում խաղացողները մտածում էին, որ պատճառը ծրագրային սխալն է, բայց ավելի ուշ պարզվեց, որ դա այդպես չէ...
   Խաղի՝ գետնի տակ բնակվող վիրտուալ հրեշներից մեկը, օժտված է հետևյալ հատկությամբ. նա կարողանում է թունավոր հեղուկ լցնել բոլոր նրանց վրա, ովքեր մտել են իր քարայր՝ ոսկի գողանալու: Հեղուկը աստիճանաբար սպանում է այդ կերպարին և վարակում է նրա ընկերներին:
Համաճարակի տարածումը WoW-ում:
Նկարում ամենուրեք կարող եք տեսնել խաղի՝
հիվանդությունից մահացած կերպարներ:
 
   Անհայտ է, թե խաղացողներից ում մտքով է անցել «վերցնել» այդ վարակը: Նա իր կենդանիներից մեկին վարակել է այդ հիվանդությամբ, իսկ հետո կանչել է նրան խաղի մայրաքաղաքներից մեկը: Հիվանդ կենդանին, գտնվելով մարդաշատ վայրում, վայրկյանական տարածել է վարակը:
  Մի քանի օր ծրագրավորողները պայքարում էին մահացու հիվանդության դեմ: Չնայած գործադրված ջանքերին՝ ժանտախտին հաղթել հաջողվեց միայն մի քանի անգամ խաղը թարմացնելուց և ամբողջ համակարգը վերագործարկելուց հետո:
    Ամբողջ աշխարհի համաճարակաբանները մեծ հետաքրքրություն ցուցաբերեցին այս դեպքի նկատմամբ: Արվեցին մի շարք լուրջ հետազոտություններ, որոնք ցույց տվեցին, որ խաղում հիվանդության տարածումը շատ նման է իրական կյանքին. հիվանդության տարածումը կենդանիների միջոցով, մարդկանց անպատասխանատվությունը, արագ տարածումը մայրցամաքների միջև: Պարզ դարձավ, որ WoW-ի նման օնլայն խաղերը հիանալի միջոց են տարատեսակ սոցիալական և համաճարակաբանական երևույթների փորձարկման համար: Ոչ մի ուրիշ միջոցով հնարավոր չէ նման պայմաններ ստեղծել. իրական աշխարհում փորձի համար ոչ-ոք համաճարակ չի տարածի, իսկ մաթեմատիկական մոդելները ի վիճակի չեն նկարագրել մարդկանց վարքը:

0 մեկնաբանություն:

Գրել մեկնաբանություն.

Related Posts Plugin for WordPress, Blogger...